सतिश सिंह सरकारसँग कांग्रेस असन्तुष्ट, मधेस प्रदेश सरकारको विकल्प खोजिनेछ : महामन्त्री शर्मा

उनले यस्तै व्यवहार रहेमा कांग्रेसको नेतृत्वमा प्रदेश सरकारको विकल्प ढिला चाँडो खोजिने बेला आएको उनले बताए। ´अहिले जनमतको नेतृत्वमा रहेको सरकारले जे जति काम गरिरहेको छ । त्यो चित बुझाई छैन । गुनासो धेरै रहेको मधेस हिडाँईमा जानकारी पाएको छु, उनले भने, ´केन्द्रमा जनमत सरकारमा रहेकोले हामी केही बोलेको छैनौं । मधेसमा अहिले सम्म कांग्रेसले मुख्यमन्त्री पाएको छैन । कृष्ण यादवकै नेतृत्वमा हामी सरकार बनाउनेछौँ ।`
एमाले, कांग्रेस र लोसपा मिले सहजै सरकार बन्ने उनले सुनाए ।

बीआरआई मात्रै होइन नेपाली कांग्रेसले अब कुनै पनि अरु देशबाट पनि ऋण थुपारेर विकास गर्ने पक्षमा नरहेको महामन्त्री शर्माको भनाई छ । संघीय सरकार अहिले फेरबदलको कुनै सम्भावना नरहेको त्यसमा ढुक्क रहन नेता र कार्यकर्तालाई महामन्त्री शर्माले आश्वस्त पारेका थिए ।

´सहकारी अपचलनमा रवि लामिछाने केन्द्रित मात्रै छानबिन र कारवाही प्रक्रिया भइरहेको छैन । यसमा थुप्रै मानिसहरु पक्राउ परेका छन् । जसमा कांग्रेस एमालेका नेताहरु पनि छन्`,उनले भने, ´अहिले कांग्रेस उपसभापति धनराज गुरुङमाथि पनि छानबिन भइरहेको छ, दोषी भए कारवाही हुनुपर्छ ।` उहाँलाई पक्राउ गरेको दिन कांग्रेस झण्डा लिएर आन्दोलन नउत्रिन महामन्त्री शर्माले स्थानीय नेता कार्यकर्तालाई सचेत गराएका छन् ।